翠園 (德福廣場) (已結業)

今日母亲节去咗翠园食饭，我哋十个人，其实都唔肚饿，所以都系散叫。因为佢哋啲套餐超贵，三千几连加一酒水成四千蚊十二位（又翅又燕窝），自己人食饭唔驶咁豪啦。仲有我哋其实已经早一个星期订位，但系张枱都系喺啲麻麻哋既位置，夹咗喺中间，可能母亲节人多，所以啲枱同枱之间几乎行唔过一个人，肥𠮶啲都几麻烦。另外，个部长千叮万嘱要我哋喺星期五前要去落订，如果唔系留唔到枱，呢个都系第一次，都几夸张！炸子鸡半只贵妃鸡半只龙虾依面一碟蛋白虾仁炒饭花姿虾仁时蔬鲍汁豆腐咕噜肉浸时蔬干烧依面两碗白饭总括嚟讲，除咗碟龙虾依面一碟之外，其它都几好，啲鸡尤其滑，但系比较多油，可能本身已经唔饿，再加埋啲𩠌都几油，所以都食唔晒要打包。用汇丰卡找数有八八折，都几好！未到九点就食完，但有啲枱已经吉咗，唔似其它酒楼会一枱接一枱仲有门口排住一大堆人。可能系咁，所以佢哋喺订枱既时候都无讲话要我哋八点半交枱之类。我谂可能系价钱既问题，佢哋唔似美心咁多人啦！有一点要提，佢哋个楼底比较低，所以人多起上嚟都好鬼嘈，根本就听唔到对面位既人讲嘢。所以闲日嚟无咩所谓，但大时大节就唔好喇。