影片
更多
2024-11-09
0 浏览
之前睇过啲报道，介绍呢间餐厅嘅厨师系曾经做过港督嘅厨师，所以我特登过嚟试吓，本来想试夜晚，但原来要分两场，本人就比较钟意比较自由啲，所以决定晏昼嚟试吓！特登问吓有冇提供小菜？店员答有，就马上过来book枱试吓。先讲吓个地点，实在有啲隔涉，喺大角咀，最近嘅地铁站就系奥运站，但系佢都要行10几分钟，所以呢度嘅租金都应该几平，而且附近都系啲旧楼，沿途行过去餐厅，见到好多唔同嘅食肆，呢度嘅竞争都几激烈！佢哋嘅招牌唔显眼，真系玩咗好耐先见到，入到去，装修好旧，坦白讲，我觉得似一间茶餐厅多啲，一啲都感觉唔到似私房菜！不过，食嘢最紧要系啲食物，装修唔系最重要！由于系午市嘅关系，佢哋提供好多午市套餐，坦白讲真系好抵食，五、六十蚊除咗有个主食之外，仲包埋餐汤同嘢饮，你想点？ 由于我哋系订咗位，所以佢对我哋特别好招待，仲问我想食咩小菜，我未谂到之前，有个店员不断推销我食糯米鸡，或是戴安娜王妃都试过，同埋介绍一个差唔多失传嘅广东菜，叫做失传煎酿太子鱼肚，要成$60一个。咁讲到系失传咁夸张，都系试吓！跟住又叫我试吓啲蟹，但我担心价钱好贵，所以冇嗌，最后叫咗个黄金虾，同埋一个砵酒蚝，最后见到个午市套餐咁抵，最后
先讲吓个地点，实在有啲隔涉，喺大角咀，最近嘅地铁站就系奥运站，但系佢都要行10几分钟，所以呢度嘅租金都应该几平，而且附近都系啲旧楼，沿途行过去餐厅，见到好多唔同嘅食肆，呢度嘅竞争都几激烈！佢哋嘅招牌唔显眼，真系玩咗好耐先见到，入到去，装修好旧，坦白讲，我觉得似一间茶餐厅多啲，一啲都感觉唔到似私房菜！不过，食嘢最紧要系啲食物，装修唔系最重要！由于系午市嘅关系，佢哋提供好多午市套餐，坦白讲真系好抵食，五、六十蚊除咗有个主食之外，仲包埋餐汤同嘢饮，你想点？ 由于我哋系订咗位，所以佢对我哋特别好招待，仲问我想食咩小菜，我未谂到之前，有个店员不断推销我食糯米鸡，或是戴安娜王妃都试过，同埋介绍一个差唔多失传嘅广东菜，叫做失传煎酿太子鱼肚，要成$60一个。咁讲到系失传咁夸张，都系试吓！跟住又叫我试吓啲蟹，但我担心价钱好贵，所以冇嗌，最后叫咗个黄金虾，同埋一个砵酒蚝，最后见到个午市套餐咁抵，最后都忍唔住嗌咗一个饭餐，叫做冰火芙蓉蛋饭，仲配埋嘢饮添！
首先嚟咗第一个𩠌系唔知乜嘢戴安娜每朝都会食嘅糯米鸡，每一个都要$40，上到嚟之后我有啲奇怪，坦白讲即系糯米鸡真系好细只，$40 －只咁细嘅糯米鸡，里面究竟系有啲乜嘢呢？结果打开之后，只系一个普通嘅糯米鸡，里面有正常嘅料，完全冇矜贵嘅食材入边，同你喺唐记，或者系普通酒楼食嘅一样，去到呢刻我严重感觉到我俾咗好多智商税。坦白讲，绝对唔系唔好食，只不过觉得有啲贵！
糯米鸡
$40
0 浏览
0 赞好
0 留言
糯米鸡
0 浏览
0 赞好
0 留言
0 浏览
0 赞好
0 留言
好啦，到第二个𩠌，就系失传煎酿太子鱼肚，呢个𩠌都系好食，不过一样觉得太贵，只系将啲肉碎放入个鱼肚度，加个芡汁，又唔觉得太特别！如果平少少系值得叫的！
失传太子煎酿鱼肚
$60
0 浏览
0 赞好
0 留言
跟住就嚟第第三个𩠌菜就系黄金虾，坦白讲，终于食到厨师嘅功架！首先个黄金系好热，个啲咸蛋黄汁好香浓，而且好好味！均衡咁包住啲虾，正！
黄金虾
0 浏览
0 赞好
0 留言
第四个𩠌系砵酒蚝，呢个直头系一绝！呢砵酒好香，啲蚝好大只，加埋啲紫洋葱，呢个真系冇得弹！
砵酒焗蚝
0 浏览
0 赞好
0 留言
最后仲嗌咗个冰火芙蓉蛋饭，呢个属于午市套餐！本来冇乜期望，纯粹系谂住食个饭，最后反而系最惊喜，$60都唔洗，𠮶个芙蓉蛋真系好正，食得出镬气！
最后我嘅结论系，除咗𠮶第一第二个𩠌有啲贵，其他都系唔错，证明个厨师嘅功力系好好，坦白讲，呢度嘅环境真系一般，如果可以将啲𩠌菜嘅价格降低一啲，我就真系会成日过嚟试吓！
张贴
