影片
更多
2023-01-24
199 浏览
依家连锁丼饭屋，我相信大家未食过都一定听过，我个人感觉都几抵食，味道方面就要见仁见智，不过我觉得系唔错嘅可能因为好晏先去食，所以餐厅有好多空位，唔需要排队就可以直接入座，然后择左一个平时都少见人点嘅名物牛筋丼，同埋见到佢依家有个新嘅季节限定追加「大阪烧风玉子卷」，咁见到季节限定就谂住试吓，所以加$18加配咗名物牛筋丼 $78 （定）$93如果单点一个丼饭要$78，但系加多$15就可以升级成定食（多咗前菜、面豉汤、饮品同甜品）咁个前菜，系一份好细份嘅凉拌菜，味道不过不失咁，冇特别；同样面豉汤都系正常面豉汤嘅味道，唔可以话难饮，但系饮太多都系会觉得咸，所以都净系食咗面头𠮶三旧豆卜，汤反而就冇咩点饮到。咁讲返个主角先，睇到个丼饭表面淋上咁多沙律酱同七味粉，你就知道依个丼饭系偏重口味嘅，所以喜欢清淡嘅一定唔好叫依个。沙律酱底嘅系好多已经烧香咗嘅牛筋，而且为咗方便食用，已经切成细粒，所以一开始把丼饭捞匀，保证每一粒饭都可以吸收到牛筋嘅油分。虽然牛筋烧香咗之后食落去嘅口感有少少似食紧脂肪，但系相对脂肪，牛筋食落去唔会有一口油嘅感觉，而系有点咬口，需要略加咀嚼才可以食到牛筋嘅香味，但又唔似在食肉，
可能因为好晏先去食，所以餐厅有好多空位，唔需要排队就可以直接入座，然后择左一个平时都少见人点嘅名物牛筋丼，同埋见到佢依家有个新嘅季节限定追加「大阪烧风玉子卷」，咁见到季节限定就谂住试吓，所以加$18加配咗
名物牛筋丼 $78 （定）$93
如果单点一个丼饭要$78，但系加多$15就可以升级成定食（多咗前菜、面豉汤、饮品同甜品）咁个前菜，系一份好细份嘅凉拌菜，味道不过不失咁，冇特别；同样面豉汤都系正常面豉汤嘅味道，唔可以话难饮，但系饮太多都系会觉得咸，所以都净系食咗面头𠮶三旧豆卜，汤反而就冇咩点饮到。
咁讲返个主角先，睇到个丼饭表面淋上咁多沙律酱同七味粉，你就知道依个丼饭系偏重口味嘅，所以喜欢清淡嘅一定唔好叫依个。沙律酱底嘅系好多已经烧香咗嘅牛筋，而且为咗方便食用，已经切成细粒，所以一开始把丼饭捞匀，保证每一粒饭都可以吸收到牛筋嘅油分。
虽然牛筋烧香咗之后食落去嘅口感有少少似食紧脂肪，但系相对脂肪，牛筋食落去唔会有一口油嘅感觉，而系有点咬口，需要略加咀嚼才可以食到牛筋嘅香味，但又唔似在食肉，有点特别嘅口感，系其他部位食唔到嘅口感
不过这个丼饭真系比较重口味，因为除咗表面淋上嘅沙律酱同七味粉，烧左嘅牛筋也配有酱油，所以一齐食的话，容易觉得咸，但系不会觉得油腻，因为七味粉中和左沙律酱嘅油，而且牛筋又唔系好油，所以整体感觉唔错，但就系需要饮水或者饮饮品，同埋食得多会有少少厌，因为由一开始嘅味道，到最后都是一模一样，唔会有咩分别。如果可以的话，同人分享会比较好
升级左成定食之后会有一杯饮品，虽然可以加钱升级成其他饮品，但系我就冇加钱，净系要咗佢𠮶杯果茶，味道就系那种一大包冲剂整成嘅果茶，冇咩特别，但系因为系冻嘅，系食依个牛筋饭嘅时候，佢嘅存在就很重要，因为牛筋饭太过重口味，净系饮水都唔系好够，所以有杯野饮会舒服啲
咁佢𠮶甜品都冇咩特别，系普通嘅寒天，靠佢嘅酱调味，因为寒天本身冇咩味，但系佢个酱都冇咩味，好淡，净系食到少少甜味，个人感觉唔太钟意，因为食完都唔太食到𠮶个究竟系咩酱
大阪烧风玉子卷 加配价$18
原本都系见到佢系个季节限定先谂住加配，结果一上到枱，见佢就系一个普通嘅玉子卷配上木鱼丝同少少酱，而且玉子卷好明显系𠮶啲一包包嘅急冻玉子，真心唔建议加配，因为份量少又冇特别
以上均是我个人观感，每个人嘅口味各有不同，所以末必同每个人嘅用餐感觉一样，如有不同，敬请见谅。
张贴
