越南屋

营业中

休息中

平时听朋友讲呢一间越南屋味道唔错，夜晚谂唔到食咩，就过咗嚟试一试，我哋叫咗两个晚饭套餐，好经济又实惠，一个套餐有小食可以选择，我哋就拣咗一碗驰名嘅生牛肉汤河粉，小食就系炸鸡翼，同埋猪扒饭。生牛肉汤河好好味，果然系驰名菜，佢嘅汤底全部都系牛肉浓汤味，非常惹味，加埋少少辣椒，真系想叫多一碗嚟食。鸡翼炸到好香脆金黄，不过真系比较热气，而且味道啱啱好，肉质滑嫩，非常滋味。猪扒饭我哋考虑咗好耐终于叫，系因为平时出面啲越南猪扒饭，啲猪扒肉质好干身，而且咬唔到，但系呢一间嘅猪扒饭非常软身，而且好香口，好入味，我哋真系冇叫错。下次我哋会再嚟光临帮衬，因为呢一间越南屋真系全大埔来讲最好食嘅越南菜。