影片
更多
2018-01-07
6357 浏览
安格斯牛柳粒锅饭 $150好少食中档以上日本菜 有日经过呢间门口无端端就订左枱 不过到食果阵都系悭家食法之二人食平过一人前铁板套餐饱肚啲主菜净系叫左呢个饭 个饭好有惊喜 无错 我系特别赞个饭 度度都有锅饭叫 唔通个个都系真锅饭咩 安格斯牛柳粒质素我觉得比一般稍好 但个饭真系好惹味 明明混汁量唔算太多 但系好有锅味 唔知系咪同伴菜黄椒青椒洋葱有关呢 定系因为一早捞匀左只温泉蛋 当日我系愈食愈开胃 而牛肉粒黎讲都唔会过韧 当然唔好期望佢有和牛咁既口感 当有啲肉落下肚又有啲咬口咁整个饭价钱唔系叫好平 不过比起其他铁板烧水产之类经已系几经济 质素都唔曳 推介作豪食前"浪"下肚之选广岛蚝山葵烧 $80本来考虑紧叫鹅肝多士 不过无记错餐牌无睇错隔离枱应该要成旧水先得一块 虽然远睇鹅肝唔细块 不过都转左軚叫左呢份烧double蚝开心share呢份烧蚝都算ok既 特别之处系佢用wasabi配合疑似芝士整 几有新意 食落juicy味浓 岩哂怕蚝腥之人 因为本人对食蚝其实麻麻 所以唔知只蚝算咩质素 size就唔大唔细 蚝縠下面有两旧云状物体 一试原来系盐黎 几有趣既present 红色果条怀疑系红椒黎 摆
安格斯牛柳粒锅饭 $150
好少食中档以上日本菜 有日经过呢间门口无端端就订左枱 不过到食果阵都系悭家食法之二人食平过一人前铁板套餐
饱肚啲主菜净系叫左呢个饭 个饭好有惊喜 无错 我系特别赞个饭 度度都有锅饭叫 唔通个个都系真锅饭咩 安格斯牛柳粒质素我觉得比一般稍好 但个饭真系好惹味 明明混汁量唔算太多 但系好有锅味 唔知系咪同伴菜黄椒青椒洋葱有关呢 定系因为一早捞匀左只温泉蛋 当日我系愈食愈开胃 而牛肉粒黎讲都唔会过韧 当然唔好期望佢有和牛咁既口感 当有啲肉落下肚又有啲咬口咁
整个饭价钱唔系叫好平 不过比起其他铁板烧水产之类经已系几经济 质素都唔曳 推介作豪食前"浪"下肚之选
广岛蚝山葵烧 $80
本来考虑紧叫鹅肝多士 不过无记错餐牌无睇错隔离枱应该要成旧水先得一块 虽然远睇鹅肝唔细块 不过都转左軚叫左呢份烧double蚝开心share
呢份烧蚝都算ok既 特别之处系佢用wasabi配合疑似芝士整 几有新意 食落juicy味浓 岩哂怕蚝腥之人 因为本人对食蚝其实麻麻 所以唔知只蚝算咩质素 size就唔大唔细 蚝縠下面有两旧云状物体 一试原来系盐黎 几有趣既present 红色果条怀疑系红椒黎 摆开左一边无理所以唔肯定
又系啦对比餐牌其他小食黎讲唔算贵 会食wasabi之人可以一试
串烧拼盘 $118
原本净系想食牛舌 不过睇返个价索性叫成份串烧拼盘抵食啲 可能因为友人提早食到手停口停 份串烧大部份落左我肚 都几满足下
友人觉得是晚最有惊喜既竟然系鸡软骨串 都难怪既因为佢串鸡软骨真系食到烧出黎既味道 明明又无烧焦 两个字讲哂-高质! 除左鸡软骨仲有牛舌 不过不失咁 个人特别钟意配柠檬汁食牛舌 另外有串葱夹住唔记得咩肉 食完无咩印象 另一串好似系烟肉包车厘茄 ok juicy下又可以中和下肉感 仲有串系冬菇 standard味道 当然配菜木鱼我地都无放过清哂咁剂
成碟最深刻系鸡软骨 其他串唔差但又算唔上好好食 如有其他菜式想试都可以唔叫呢样
稻庭乌冬 $88
曾经形容过自己属面系之人 各款面当中又特爱冻稻庭乌冬 犹记得仲系平食赤丸果个年代最钟意叫净冷乌冬x2/3咁食
呢度份稻庭乌冬好明显就唔系平价 内容又如何呢 首先讲面底 份量唔算少 当然都唔好期望食呢份野会饱肚 面身特幼 比好多见开既稻庭乌冬幼 沾埋冻酱汁食味道不错 意料之外系配料份量同面量成正比 都有返咁上下脆口粒粒虾干葱花同冬菇片 有啲料口感会无咁寡
稻庭乌冬可以配好多唔同主材料整 本人偏偏钟意最简单既配酱汁净食 多年不变
张贴
