影片
更多
2015-06-03
406 浏览
屋企楼下既其中一间茶餐厅，陪屋企人食饭既好地方，好朋友吹水既聚脚地，呀叔呀伯饮酒既不二之选！其实自从搬左出去住之后就好少系呢到食饭，之前无论中午放饭又好，系屋企叫外卖又好，同屋企人食饭，朋友吹水都好，唔知点解永远都系拣励扬。之前呢间茶记都叫算''大''间，加有少少似大排档，因为佢会霸埋出面Ｄ位泥做，不过近几个月好似食环署打压左之后就好似无得咁做，所以今次去呢到食饭，硬系觉得少左D野。咁分开堂食同外卖咁讲，堂食先！咁如果下午堂食既话，佢会提供4-5个特餐比你，３０蚊左右，有饭有粉，正常都会拣得到食咩！除左特餐之外，咁当然都可以拣餐牌既野食啦，但之不过餐牌上既野食真系太多，多到拣唔到，突然会有选择困难症！粥粉面饭样样齐，种类多，基本上你叫得出佢就整得出，不过就４０蚊左右！不过嫌烦烦就拣返特餐啦。午餐通常都系叫Ｄ碟头饭或者炒粉面，基本上５—１０分钟就送到，唔洗等好耐，味道都高质，系多油左少少！咁如果夜晚堂食既话，当然就叫小菜啦！都系啦，小菜应有尽有，叫得出就整得出！离远闻都香喷喷，获气够，味道更加系一流，价钱就８０蚊左右啦。咁我呢晚三个人食叫左三个菜，酥炸鲜鱿＋沙嗲肥牛煲＋小炒皇，三样味道都
咁分开堂食同外卖咁讲，堂食先！咁如果下午堂食既话，佢会提供4-5个特餐比你，３０蚊左右，有饭有粉，正常都会拣得到食咩！除左特餐之外，咁当然都可以拣餐牌既野食啦，但之不过餐牌上既野食真系太多，多到拣唔到，突然会有选择困难症！粥粉面饭样样齐，种类多，基本上你叫得出佢就整得出，不过就４０蚊左右！不过嫌烦烦就拣返特餐啦。午餐通常都系叫Ｄ碟头饭或者炒粉面，基本上５—１０分钟就送到，唔洗等好耐，味道都高质，系多油左少少！
咁如果夜晚堂食既话，当然就叫小菜啦！都系啦，小菜应有尽有，叫得出就整得出！离远闻都香喷喷，获气够，味道更加系一流，价钱就８０蚊左右啦。咁我呢晚三个人食叫左三个菜，酥炸鲜鱿＋沙嗲肥牛煲＋小炒皇，三样味道都几好，份量都足，但系嫌咸左少少！
咁外卖方面就一般啦，听电话果个态度经常都好差，叫左外卖都好似得罪左人咁！外卖时间就半粒钟至１粒钟，算系接受到既！不过勤大家唔好叫汤面啦，因系汤同面系唔会分开摆，如果１粒钟先送到就真系唔知食咩好！
Overall 味道高质，份量足，抵食！只不过有一点要注意系卫生问题，可能间野算系旧同''大排档''，比部分人既印象系污糟，当然有人觉得系风味啦，见人见智。另外地下真系好油，一下唔觉意就冼脚！
张贴