Chill Inn (已結業)

同男朋友妈妈食生日饭，上网见到呢间有半价就订位，去到发现原来有最低消费，每人$120 ，大家要注意啦俾大家睇吓餐厅环境先，灯光都几昏暗，系昏暗唔系情调，不过餐厅音乐几好听。同埋周围有好多植物嘅摆设，感觉都几舒服。我哋四个人，叫咗六碟食物先，因为唔知有几大碟，所以冇叫咁多住。食物点完都几快上菜。呢个素翅羹份量系二至三人，我哋四人都够分嘅。不过味道偏咸，有啲似OK便利店的碗仔翅，但入面加多好多料，唔算好味。呢个猪颈肉好好味，份量都算多，个汁食起上嚟甜甜地，不过再烤㶶啲就更好！牛扒都唔错，叫咗七成熟，唔住煎过龙。有肉味，而且下面啲薯蓉有萝卜粒，食起上嚟都几特别。长脚蟹意粉，都炒得几好，几入味，不过配几条菜心就有啲搞笑。呢个海鲜拼盘唔抵食，啲海鲜好细粒，又唔新鲜，no good 呢个虎虾唔算太大只，但系啲芝士汁都几好味，唔算太腻。总括来讲，有折会嚟，冇折唔会嚟因为份量来讲都算偏少，价钱又唔系特别平地方又比较远，呢个价钱喺市区大把选择。