小安南越南河粉 (已結業)

天气开始转热，就想食啲酸酸甜甜嘅嘢，难得放假就试吓屋企附近嘅越南餐厅。香茅猪扒捞檬本身睇相以为猪扒好大份，但打开见到有少少失望，猪扒偏薄，有1/4系骨，有啲唔够喉，不过调味唔错，亦炸得啱啱好，如果分量多番啲就好啦。粉方面都系觉得偏少，菜占咗成碗嘅1/3，个人觉得可以调整一下份量，始终面应该都唔算系成本好高嘅食材🤔 汁方面有得拣辣同唔辣，我拣咗辣，食落系好微好微嘅辣度，酸味啱啱好，好开胃。overall觉得味道系唔错，但系份量方面争少少，希望店家可以改善一下。