拾味正宗刀削麵館 (歌賦街) (已結業)

地址－拾味正宗刀削面馆 (歌赋街)中环歌赋街43号地舖💋香辣猪软骨热拌刀削面，呢间的点菜系用手机嘟QR CODE 落单的，自助选项又多又细致，连柠檬茶都可以叫多柠檬同浓D都有得拣，劲贴心，我呢个就拣左多汁同多酱，佢个担担面酱又多又浓，个酱有蒜香之余，又有豆瓣酱味，好正，佢刀削面系即叫即削的，所以需要等待一段时间，但系值得的，虽然人手削，但都算做到大致平均的长度同厚度，应该系训练有素，食落都爽滑弹牙，又烟烟韧韧，配埋担担酱一齐食，每条都挂满酱汁，劲正，佢猪软骨都煮得入味，辣辣地咁，又大件，份量都唔少，劲满足。💋手撕鸡热拌刀削面，我好怕食到D好嚡的鸡肉，但好彩呢个唔系，都唔算太嚡，几有口感咁，佢比的青瓜丝都唔少，带点爽脆，连埋刀削面一齐食，层次分味，正。💋麻辣金钱肚(中辣，小)，佢呢个可以拣多蒜，咁我地当然唔会放过啦XD，食落金钱肚好爽口，虽然SIZE系小，但其实都几多下，佢个麻辣都唔惹小，食到我朋友喷晒火咁，最后都投晒降，最后都只好由我包底吧。