蒲羅

营业中

休息中

今日去了乐富行街，见到有间马拉菜餐厅，门口都几多人等，估计应该ok,于是攞飞试吓。入到去见到餐牌价钱都大众化，点了个半熟蛋配咖吔多士、烤马来葱饼配咖喱、槟城虾面、娘惹茶薰鸭喇沙掺掺、海盐雪糕椰汁珍多冰同马来芒果汁配芒果雪糕。先讲个咖吔多士，上枱时啲多士已经冻晒，唔热，味道食落去普通，反而个半熟蛋几特别，系要捞埋甜豉油一齐食。然后到个马来葱饼，同一般葱油饼差唔多，但系唔知系咪今晚好忙，上枱时都已经系冻。接住讲个喇沙掺掺同虾面，份量都几大，一碗够两个人食。两款嘅汤底都唔错，特别系个虾面，汤底够浓味，而且当中系有啲似粉丝嘅(应该系掺掺)配埋油面，食落去一粗一幼，个口感几特别。而两款嘅𩠌都好多，碗喇沙掺掺啲茶薰鸭有成7、8块，而且每块都大件，食落去唔韧，味道亦都ok。至于两杯饮品方面，海盐雪糕椰汁珍多冰，以为同平时饮开𠮶啲珍多冰上面加件海盐雪糕，但饮落去似系汽水上加件雪糕。而杯芒果汁配雪糕，饮落去尚算一般，无咩特别。总括嚟讲，今次上嘅菜色正常，钟意浓味嘅应该会钟意，而且份量够大，啱大胃口嘅朋友。