影片
更多
2015-02-22
502 浏览
我从南非返黎，老豆就去南非了，佢几个朋友就黎同佢食返餐吧，老豆住喺彩德，有朋友要放工先得闲，夜晚9点，就去彩德唯一酒楼食返餐为佢送行吧。之前喺哩间饮过茶，但晚饭就真系第一次了，就试试啦～一班男人饮酒食饭，食饭系次要，倾计饮酒先系重点，7个人，就黎个一千三百蚊左右嘅套餐啦，再黎两枝大啤，本来要蓝妹，不过部长话蓝妹啱啱先放入冰箱，唔够冻，就饮另外一种啦，饮完都唔记得自己饮过边只先黎碟【拼盘】，烧肉唔会过咸，肥肉瘦肉比例合理，9点钟都冇搭啲头头尾尾俾我地算系咁啦，就系皮唔系太脆啰。油鸡亦够嫩，味道适中，鸡味印象中可以接受，起码唔会觉得淡。烧鸭唔干，亦唔太咸（我地饮酒加嘛，就算真系有少少咸都唔觉得有问题啦），当然唔可以同【清真惠记】𠮶啲专卖铺相提并论啦～白云凤爪亦够肉地，食落唔会瘦蚊蚊的，味道就一般啦。海蜇亦差唔多，口感正常，但感觉上觉得淡咗些少，但喺合理范围之内啰，算系咁啦～ 哩盆左拼右拼拼盘个碟都俾啲𩠌装满了，算有诚意了【炸子鸡】几乎系同拼盘一起上的，饮酒食饭嘛，就系要饮得高兴食得开心，哩类头盆类食物当然系一齐上先食得过瘾啦，抵赞！炸子鸡炸得外脆内嫩唔干，有鸡味同时唔过咸，亦唔太油，中上之
一班男人饮酒食饭，食饭系次要，倾计饮酒先系重点，7个人，就黎个一千三百蚊左右嘅套餐啦，再黎两枝大啤，本来要蓝妹，不过部长话蓝妹啱啱先放入冰箱，唔够冻，就饮另外一种啦，饮完都唔记得自己饮过边只
先黎碟【拼盘】，烧肉唔会过咸，肥肉瘦肉比例合理，9点钟都冇搭啲头头尾尾俾我地算系咁啦，就系皮唔系太脆啰。油鸡亦够嫩，味道适中，鸡味印象中可以接受，起码唔会觉得淡。烧鸭唔干，亦唔太咸（我地饮酒加嘛，就算真系有少少咸都唔觉得有问题啦），当然唔可以同【清真惠记】𠮶啲专卖铺相提并论啦～白云凤爪亦够肉地，食落唔会瘦蚊蚊的，味道就一般啦。海蜇亦差唔多，口感正常，但感觉上觉得淡咗些少，但喺合理范围之内啰，算系咁啦～ 哩盆左拼右拼拼盘个碟都俾啲𩠌装满了，算有诚意了
【炸子鸡】几乎系同拼盘一起上的，饮酒食饭嘛，就系要饮得高兴食得开心，哩类头盆类食物当然系一齐上先食得过瘾啦，抵赞！炸子鸡炸得外脆内嫩唔干，有鸡味同时唔过咸，亦唔太油，中上之作 当然亦唔排除系被现场良好气氛影响食欲啦
食完头盆有野落肚之后就黎饮汤喇，今日嘅汤系【高汤翅】，咁当然系一般嘅酒楼翅啦，味道正常冇特别，ok啦，唯一问题系。。。。醋呢？胡椒粉呢？一班人食饭饮酒，影相本来已经怪怪地，又饮又食又倾计就懒得再去问人攞了 何况味道又可以接受。
再黎就系哩碟【奶油虾伊面】喇，先讲啲奶油，味道稍微系有啲淡的，又唔系自己一个人食，好似冇咩原因令我试完觉得唔够好之后去加盐啰 但口感就非常好喇，唔太稀亦唔太稠，再加上口感唔太烂嘅伊面，哩碟𩠌嘅质量算几好架喇，味道浓少少会更好啰～
跟住上嘅就系过年嘅传统菜色【发财蚝士】了，酱汁调味一啲都唔太咸，令发菜味道良好。蚝士嘅大细可以接受，口味能保持传统，调味适中唔会掩盖蚝士本身嘅味道。藏底嘅菜能保持口感唔会过软。成道菜嘅味道都归功于酱汁嘅调味，传统嘅哩道菜的确令人食得舒服啊（咁多年，食过咁多次哩味𩠌，过淡嘅少见，过咸嘅，见过太多了。喺控制成本嘅情况下，食咗嘅几只蚝士边位嘅口感整体黎讲都系喺可以接受嘅水平）
哩味【蟹肉西兰花】调味偏淡（当然唔排除我𠮶事已经俾酒精影响咗口味啦），但感觉上真材实料，西兰花食落亦新鲜，软硬度亦适中，煮得唔会太软或者太硬，酒楼食饭，最紧要舒服，睇落舒服
【生菜冬菇螺片】亦系经常见到嘅菜色，螺片切得都几大片，冬菇亦唔细粒，酱汁同之前嘅发财好事味道差唔多（食过年菜其实几厌的，每年食嘅野差唔多，味道亦相差无几），煮得够软，底嘅生菜依然保持口感，食落冇咩挑剔点就够了。
然后上台嘅就系蒸鱼了，我食得鱼少，肉质有咬口，应该系一条班吧，感觉上蒸得唔老（食到最后时段了，食到差唔多，当然亦饮得差唔多啦其实我都唔系好多姐，只系食到差唔多，亦差唔多饱，感觉就唔会咁敏锐架喇）可以话觉得味道还可以，唔觉得特别新鲜，鱼嘅味道亦唔觉得特别好味，反正感觉ok啦
下一样呢？感觉上差左少少野，有人提起，系咪应该仲有碟炒饭嘅呢？好几个人都有感嘅感觉。。。我睇下张菜单。。。冇喇。。。水果呢？。。。冇啵。。。时间已经唔早，我地亦都唔想重新再叫又要再等了。。。。。。但系点解酒楼唔喺份菜单上加碟炒饭呢，成本唔系好高，但系就令成围菜完整好多了，水果亦一样。。。就算都冇呀，都可以喺最后一味𩠌上台嘅时候提醒一下嘛，宜家就食到两头唔到岸啰。。。
虽然话整体味道系唔差的，但上酒楼食饭嘛，一向都系食感觉的，食得开心，饮得开心，聊得开心先系重点，宜家完成度差咗啲，就令我地食得唔够痛快啰。咁当然我地冇喺事前发现哩围菜缺乏啲咩而事先加𩠌，我地都有问题，但我觉得对方都应该体贴啲啰所以如果仲有下一次嘅话，点𩠌嘅时候就要留意喇（当然今日点𩠌嘅唔系我啦）
仲有嘅系今餐冇用咗咩贵价嘅食材，一围菜7个人食（啤酒另计），平均每个人要俾两百蚊，以街坊就楼黎讲贵咗啲啰，仲要食完有遗憾咁离开（冇炒饭同水果）。。。
张贴
