黑丸嫩仙草 (已結業)

我系芋圆呀，仙草呀，珍珠奶茶等等嘅爱好者。明白每人口味唔同，无一间舖头满足到所有人。今次第一次食依间黑丸嫩仙草，啲仙草如同佢舖名，系属于嫩𠮶种，我自己就偏爱有啲质感，结实啲𠮶类。不过我都觉得好味嘅，有仙草味又嫩得黎唔会水溜溜咁。我叫咗黑丸Q嫩双宝，因为又想食芋圆，又想食佢有嘅芋Q,有仙草之外，又可以食爱玉冰。芋圆比想像中普通，中上，Q得黎芋头味弱咗啲。反而啲芋Q比芋圆大粒，粉粉地够哂芋头味。爱玉冰味道都唔错，同仙草沟埋咗仲食到酸甜嘅柠檬味。成碗份量足够，唔算劲大碗，但一人食都会饱。环境方面，外面睇尚算光鲜，但拨开透明胶帘，感觉有啲破落，我去嘅时候无人，有几张高枱，同几张吧凳，枱都还子，但啲凳已经烂烂地，摇摇欲坠，有啲已经无位放脚，令我考虑过企系度食⋯⋯钟意食甜品，当然希望多几间依类舖头，食品质素唔错，希望可以顾及其他要素，更有竞争力。加油！