麺屋武蔵二天 (已結業)

夜晚7点几行完马鞍山揾地方食晚饭，好多餐厅开始有人龙。可能呢间位置偏僻，只系等一张枱。。。咁就决定喺呢间食喇！食物选择好少，只有几款拉面同定食；小食都唔多，而且有一两样已经卖晒，而时间都只不过系8点左右。两个人，叫咗炸虾饼拼鳗鱼定食、吉列猪扒定食同鱿鱼虾卷(个名唔太记得)。整体嚟讲，味道唔错，虾饼同吉列猪扒一啲都唔油腻。鳗鱼略嫌太薄，鱿鱼虾卷就两种食物味都唔多食倒。珍珠米唔系太黏，唔知系咪沟咗啲白米呢？不过价钱尚算经济，每样嘢都系几十蚊，算系咁。