雁來居潮州飯店

营业中

休息中

送别同事最后一程，就同其他同事食埋餐饭先至返屋企。心血来潮想食潮州嘢，咁就近近地试吓呢一间。老舖装修过，缺乏咗一种怀旧嘅感觉，但系味道系属于旧派嘅感觉。卤拼唔可以弹性配搭，要跟餐牌一式一样，呢度有少少失望。根本就系要独立嗌一碟鹅件或者鹅片。既然佢要分开嗌当然唔嗌我片，一般嚟讲斋鹅片𠮶份量都会好少，我见个感觉良好好多。食落去个卤水汁唔会太咸。另外卤肉肥瘦适中。啲辣椒油都系潮式，用嚟点墨鱼片一流。蚝仔粥啲蚝仔大大粒胀卜卜，一啲腥味都冇，刚刚好唔会太老。比较失望少少就系个豉椒炒蚬，食落去汁蚬分离，应该系烚咗啲蚬，之后捞埋d汁，成碟嘢都系唔热嘅又冇乜镬气，成晚最失望系呢一个小炒。