韓屋

营业中

休息中

装修同环境都几舒服。灯光足够，唔会好暗令人觉得唔舒服。但系餐厅好细，枱同枱之间好少位，成间餐厅只系得几张枱，座位好迫。食物种类唔多，都系一啲简单嘅韩国料理。叫咗几样每样都好食。人参鸡汤只鸡啲肉好软林林，啲骨头都可以一咬就碎。再叫咗个牛骨汤，好好味。不过可能有好多味精，饮完都几颈渴。不过好味。再叫咗蒸饺子同埋蒸泡菜饺子。最后再叫咗个芝士牛肉bibimbap. 都系一啲好普通嘅韩国嘢食，不过虽然简单但系每一样都好味。有韩国地道味道. 用餐时间只得75分钟。侍应好准时叫我哋埋单。晚饭时间门外都好多人等紧位，所以快快食完，快快埋单走。所以如果想同朋友慢慢坐低倾偈食饭呢度唔系最好嘅选择。