人生有限杯.串燒店

营业中

休息中

见唔太肚饿，谂住少少地食下串烧，点知都几好味，样样都想食，食唔错又encore，最后都食到好饱🤣 所有食物都好新鲜热辣，唔系烧好摆系度你要先拎比你，够温度既野真系好食好多！星期日晚上7点先即兴订位8点，好彩都订到。去到都全店full，所以我谂都系订位稳阵啲。Sapporo买一送一，但见附近都少人叫。油炸鬼虾胶芝士(类似咁既东西)炸串黎既应该，都系新鲜炸起，好脆，可以试下！牛舌比较落同细，但系芯黎既，好食，但调味有啲飘忽，叫咗两转，第二次𠮶啲太咸。蜜糖芝士年糕烧蚝呢个大推！$48两只，都唔细咖仲好饱满，食落烧得啱啱好十分juicy，系新鲜蚝既感觉！调味少少辣好惹味。蛏子呢个就烧得熟左啲，粉丝都好少，仲要烧到干咗，得两三条干粉仲黐住咗个壳食唔到。同埋𠮶条味太咸，落得太多菜谱定系唔知咩酱。盐烧鸡翼得啲皮有味，又烧得几脆，都ok，但无皮个啖就无味。免治鸡肉串豚肉卷秋葵个人认为几好食，不过豚肉薄咗啲！另外叫咗豚肉卷荔枝，不过唔记得咗影，都系几好味。大葱鸡肉卷啲鸡都系表面啲酱有味，肉中间冇乜味。明太子忌廉捞乌冬冇明太子味，得忌廉味，忌廉好杰好heavy，一食就好济，唔够饱想快啲食饱先好叫。