影片
更多
2021-12-24
246 浏览
土瓜湾真系得好少车仔面，见到新开左间车仔面，感到好兴奋！舖头就新装修，整整齐齐。佢嘅点牌系一张胶嘅卡，跟住有支白板笔可以圈。𩠌菜嘅选择我觉得唔多嘅，但系价钱就合理，我拣咗四个𩠌一个面底，就$50 ，加咗杯冻柠茶就加$8。筷子有两款, 一款系可洗既, 一款系即用即弃, 有得选择!个面一嚟到，个汤底好热，出紧烟嘅，呢样真系好重要，我最惊就系饮到啲汤底系唔够热。汤底加咗沙嗲汁，味道唔算太浓，将佢搅匀都几好食，沙嗲有少少甜嘅味道。我见到枱面有辣菜脯，简直系一个福音，因为我本身好钟意食菜脯，觉得好开心，不过试少少，睇吓佢唔会太辣。嗌咗韭菜饺， $11有三粒，呢个真系几抵食; 韭菜饺嘅味道都唔错，馅料都几丰富，唔错！跟住嗌左份生菜啦，量都几多，有差唔多一旧生菜。跟住又有我最钟意嘅陈皮鱼蛋，因为唔系好多舖头车仔面都会有陈皮鱼蛋。再嗌左第四个𩠌就系炸墨鱼丸，炸墨鱼丸$10三粒，佢个皮都揸得几好嘅，整体都唔错。呢间车仔面整体味道都几好，量都算够嘅，粉面底够多。而佢嘅沙嗲汤底都够晒清香够香，再加埋啲辣菜谱，个口感都几丰富！现场嘅服务员都几好礼貌，呢一间会再帮衬！
舖头就新装修，整整齐齐。
佢嘅点牌系一张胶嘅卡，跟住有支白板笔可以圈。
𩠌菜嘅选择我觉得唔多嘅，但系价钱就合理，我拣咗四个𩠌一个面底，就$50 ，加咗杯冻柠茶就加$8。
筷子有两款, 一款系可洗既, 一款系即用即弃, 有得选择!
个面一嚟到，个汤底好热，出紧烟嘅，呢样真系好重要，我最惊就系饮到啲汤底系唔够热。
汤底加咗沙嗲汁，味道唔算太浓，将佢搅匀都几好食，沙嗲有少少甜嘅味道。我见到枱面有辣菜脯，简直系一个福音，因为我本身好钟意食菜脯，觉得好开心，不过试少少，睇吓佢唔会太辣。
嗌咗韭菜饺， $11有三粒，呢个真系几抵食; 韭菜饺嘅味道都唔错，馅料都几丰富，唔错！
跟住嗌左份生菜啦，量都几多，有差唔多一旧生菜。
跟住又有我最钟意嘅陈皮鱼蛋，因为唔系好多舖头车仔面都会有陈皮鱼蛋。
再嗌左第四个𩠌就系炸墨鱼丸，炸墨鱼丸$10三粒，佢个皮都揸得几好嘅，整体都唔错。
呢间车仔面整体味道都几好，量都算够嘅，粉面底够多。而佢嘅沙嗲汤底都够晒清香够香，再加埋啲辣菜谱，个口感都几丰富！
现场嘅服务员都几好礼貌，呢一间会再帮衬！
张贴
