影片
更多
2017-10-22
1275 浏览
Happy Friday去试新野临入重庆大厦入口，好多人队卡面系你面前，果d系唔同餐厅嘅营业代表，千其唔好因为佢地嘅热情就跟左佢地走，你要锁定自己嘅目标，去"新德里餐厅"。(一打正旗号比佢地知你想去边间，唔关事嘅人就会四散，相关嘅人就会出现，带你行去䢂口等䢂)记住问佢拎张VIP 卡，埋单比佢睇，会有9折优惠架。坐底之后，研究左个餐牌好耐，最终带咗两杯嘢饮、两个咖喱、两个薄饼。☺️嘢饮系必要嘅(虽然佢有水提供)，因为食咖喱嘅时候可以饮野解辣。芒果乳酪，质感较稠，唔会死甜，好饮过许留山d芒果野饮。男朋友叫左杯原味乳酪，我冇试过，冇兴趣试，因为我个杯芒果太好味啦😂咖喱方面，我哋叫咗一个羊一个鸡。前面橙橙地嘅系，玛莎拉鸡，小辣，味道较浓，甜甜地辣辣地，好开胃。后面黄黄地嘅系，新德里羊，小辣，质地冇玛沙拉鸡咁稠，味道较清，肉质嫩滑。虽然我钟意食羊，但整体我钟意过鸡多啲。薄饼方面，我哋叫咗一个香蒜薄饼，一个传统新德里薄饼。香蒜薄饼，厚度外脆内软，上枱时热辣辣，蒜味唔会过重，点咖喱食一流。传统新德里薄饼，我男朋友几钟意，觉得佢好特色，但我个人就一般般，因为佢有d似pizza，唔脆，软林林，上面有一d甜
临入重庆大厦入口，好多人队卡面系你面前，果d系唔同餐厅嘅营业代表，千其唔好因为佢地嘅热情就跟左佢地走，你要锁定自己嘅目标，去"新德里餐厅"。(一打正旗号比佢地知你想去边间，唔关事嘅人就会四散，相关嘅人就会出现，带你行去䢂口等䢂)
记住问佢拎张VIP 卡，埋单比佢睇，会有9折优惠架。
坐底之后，研究左个餐牌好耐，最终带咗两杯嘢饮、两个咖喱、两个薄饼。☺️
嘢饮系必要嘅(虽然佢有水提供)，因为食咖喱嘅时候可以饮野解辣。芒果乳酪，质感较稠，唔会死甜，好饮过许留山d芒果野饮。男朋友叫左杯原味乳酪，我冇试过，冇兴趣试，因为我个杯芒果太好味啦😂
咖喱方面，我哋叫咗一个羊一个鸡。
前面橙橙地嘅系，玛莎拉鸡，小辣，味道较浓，甜甜地辣辣地，好开胃。
后面黄黄地嘅系，新德里羊，小辣，质地冇玛沙拉鸡咁稠，味道较清，肉质嫩滑。
虽然我钟意食羊，但整体我钟意过鸡多啲。
薄饼方面，我哋叫咗一个香蒜薄饼，一个传统新德里薄饼。
香蒜薄饼，厚度外脆内软，上枱时热辣辣，蒜味唔会过重，点咖喱食一流。
传统新德里薄饼，我男朋友几钟意，觉得佢好特色，但我个人就一般般，因为佢有d似pizza，唔脆，软林林，上面有一d甜甜地咸咸地嘅topping+好多椰丝。用呢个薄饼，再点咖喱，我打晒冷震，因为我食到嘅系甜甜地咸咸地辣辣地😂😂😂
埋单折后，$225。
环境装修好异国风情。系干净企理嘅，啲服务就真系一般般，成程黑口黑面。不过我黎食嘢嘅，又唔系食服务，嘢食好味就OK啦~
星期五夜晚七点半去到，仲有半场未full，有唔少外国人黎食，本地客就得几枱。
会再去。
张贴
