水剌韓饍 (已結業)

环境同韩国街既餐厅大相迳庭，好宽敞，坐得舒服，干净好多。先有前菜。泡菜，即叫即做，同前菜小碟泡菜好唔同。菜好新鲜，十分爽脆。猪手炆到D皮食落一D都唔会觉得肥或者油，但肉又唔会嚡。口感好好，但味道一般，酱味道都麻麻。炒年糕唔错，年糕软硬适中，辣得惹味，略嫌甜左少少。石头饭有几款，叫左八爪鱼，卖相好靓，味道都唔错，八爪鱼带少少辣。不过份量真系细得过份。炒粉丝粉得几香口，唔油腻，几好食。春川炒辣鸡好好食，酱汁辣度适中，带少少甜，拎黎捞白饭都得。鸡肉未去到嚡，但唔算嫩。薯仔同萝卜大大旧，同埋洋葱，全部都好入味食完之后有杯醋，清清个口同味蕾，好fresh。服务都唔错。韩国街有风味D，但水剌有服务同环境。