影片
更多
2008-07-28
5 浏览
寻日同家姐尖沙咀shopping 同睇戏, shopping完买埋戏飞就谂住食个tea "hea"下时间等开场, 行到去LCX 见到铃木咖啡馆, 门口得2 pair人等位, 家姐一心想揾件CHEESECAKE食吓, 咁我地就系门口个饼柜睇下D饼啱唔啱食, 依......都好多款吓㖞, 10多款卖相好精致下, 又唔驶点等, 决定就呢间啦 系门口等紧位时候,我同家姐就系饼柜拣定要d咩cake, 好多都想试好难拣, 话咁快唔驶3分钟就到我地入去, 值得一提, 入去前我地问带位姐姐d cake太多, 唔知边只好食, 佢个位姐姐态度好好, 好主动推介左2款连佢自己都好中意食既口味俾我地, 我地就决定要个2样,其中一件双层朱古力芝士得番一件, 仲自动即刻帮我地留起先, 另一件系双层芝士,上层系南瓜cheese黎。睇睇下餐牌, 谂住食埋饭, 所以点菜时要求最尾先上甜品,叫左少少野食,上桌次序如下:1)白汁菠菜带子意粉------->味道几好, 个汁唔漏, 意粉煮到软硬适中, 个人中意呢种少少偏硬口感, 嫌带子细粒左d, 菠菜唔老冇苦涩味, 自己加左d c
系门口等紧位时候,我同家姐就系饼柜拣定要d咩cake, 好多都想试好难拣, 话咁快唔驶3分钟就到我地入去, 值得一提, 入去前我地问带位姐姐d cake太多, 唔知边只好食, 佢个位姐姐态度好好, 好主动推介左2款连佢自己都好中意食既口味俾我地, 我地就决定要个2样,其中一件双层朱古力芝士得番一件, 仲自动即刻帮我地留起先, 另一件系双层芝士,上层系南瓜cheese黎。
睇睇下餐牌, 谂住食埋饭, 所以点菜时要求最尾先上甜品,叫左少少野食,上桌次序如下:
1)白汁菠菜带子意粉------->味道几好, 个汁唔漏, 意粉煮到软硬适中, 个人中意呢种少少偏硬口感, 嫌带子细粒左d, 菠菜唔老冇苦涩味, 自己加左d cheese同少少tobasco, 带出鲜味, 几好食, 不过份量细d, 家姐差d想叫佢俾个匙连汁都捞埋
2)日式pancake(唔记得咩名)---->材料有鳗鱼, 墨鱼仔海鲜既野,牛油果,蟹子同沙律菜等配d日式sauce, 上面洒上木鱼碎, 味道ok, 不过又系好细啰(见图比例),
3)焦糖抺茶鲜奶----->好饮, 唔觉得佢甜, 又唔漏, 饮落清新, 比想像中好, size终于正常番
4)甜品,
double chocolate cheesecake--->共3层上面2层系2种唔同口感朱古力cake加最底层白色creamcheese, 我唔"好"朱古力都觉得好色, 愈食愈中意
double cheese cake----->上层系橙橙地色南瓜cheese, 下层就creamcheese, 家姐话好好味
*好遗憾2个人挂住讲同食, 唔记得影埋cake俾大家睇*
成餐饭味道水率唔错, 冇难食感觉, 食紧时候仲勾起系日本成日"扫"意粉叹cafe日子添呀
而服务水平除左门口个位小姐好好之外, 我觉得入面服务员需要改善下, 我觉得有主菜提供既食店应该要主动俾杯水俾客人, 唔应该等人叫, 发现隔离枱情况一样, 同埋食物上桌时餐具唔系一齐黎, 好奇怪, 搅到问佢攞野都分左好多次, 同埋有位女侍应, 应该系属高级d/资深既, 佢对客d面口唔系咁好, 知道依家做服务业系好辛苦, 但作为一个客人,唔期望你会笑容灿烂, 但都唔想佢唔笑仲黑黑地面走黎同我地落单同收钱, 希望佢地会改善吓啦!
价钱方面cake我觉得低食值得一试, 其他就唔算平, 可接受黎形容
张贴
