金銀泰國美食

营业中

休息中

金银泰系喺庙街附近嘅一间泰式餐厅，因为朋友一直话呢间好好食，所以特登嚟试下。舖头装横虽然比较普通，而且空间比较细，但系食物水准的确唔错，系值得再次品尝嘅餐厅。今次试咗好多唔同嘅食物，特别攞几款嚟介绍。首先系佢嘅沙嗲串烧，有牛同鸡，点样配搭都冇问题，个人比较推荐食牛，牛肉口感扎实，配埋特制沙嗲酱，口感同味道都一流。跟住系佢嘅马拉盏虾干炒通菜，咸香味同辣到啱啱好，连我呢啲好少食菜嘅人都忍唔住系咁食，味道令人上瘾。跟住叫咗个咸鱼炒饭，咸香味都够浓，饭炒得够干身，味道都唔错。嘢饮主要推荐芒果沙冰，用咗真正嘅芒果蓉，口感一流亦都十分之凉爽，最啱喺天气热嘅时候饮番杯。