影片
更多
2019-11-04
34 浏览
小编早𠮶排经过利东街发现原来𠮶间玫瑰花雪糕店已经执咗，真系超唔开心呀，仲以为以后都冇机会再食到靓靓嘅意式玫瑰花雪糕。不过早两日去开中环搭紧扶手电梯嘅时候先发现原来佢哋只系搬咗舖，所以小编就即刻买咗支意式玫瑰花雪糕品尝下，因为花香味雪糕真系唔系度度都可以食得到。Barista by Givrés系2018年年中开业，系一间主打做意式玫瑰花雪糕、轻食同西式咖啡嘅店舖。店舖里面最为人熟悉嘅一定系佢哋嘅玫瑰花雪糕，因为店员会将雪糕产成薄片，再一片一片咁砌成玫瑰花形状，绝对系打卡必备啊！-🍴Everything Eggs BennyEverything Eggs Benny以天然酵母面包为基底，表面放上菠菜同帕尔马火腿，然后再放上牛油果同水波蛋，最后再淋上自家制嘅荷兰酱同洒上少量Pistachio Dukkah香料粉作调味。呢一款Brunch嘅用料同卖相上都非常丰富，颜色色彩缤纷咁，斋睇外表已经觉得好吸引。入口味道方面，由于呢一款Brunch使用左天然酵母面包做基底，所以入口味道香脆得来又带有小小酸味，非常特别。配上菠菜同帕尔马火腿一齐食，味道上都会分外多咗一种咸香味。再配埋口感绵密既牛油果同口
Barista by Givrés系2018年年中开业，系一间主打做意式玫瑰花雪糕、轻食同西式咖啡嘅店舖。店舖里面最为人熟悉嘅一定系佢哋嘅玫瑰花雪糕，因为店员会将雪糕产成薄片，再一片一片咁砌成玫瑰花形状，绝对系打卡必备啊！
-
Everything Eggs Benny
$138
15 浏览
0 赞好
0 留言
🍴Everything Eggs Benny
Everything Eggs Benny以天然酵母面包为基底，表面放上菠菜同帕尔马火腿，然后再放上牛油果同水波蛋，最后再淋上自家制嘅荷兰酱同洒上少量Pistachio Dukkah香料粉作调味。
呢一款Brunch嘅用料同卖相上都非常丰富，颜色色彩缤纷咁，斋睇外表已经觉得好吸引。入口味道方面，由于呢一款Brunch使用左天然酵母面包做基底，所以入口味道香脆得来又带有小小酸味，非常特别。配上菠菜同帕尔马火腿一齐食，味道上都会分外多咗一种咸香味。再配埋口感绵密既牛油果同口感滑溜嘅水波蛋一齐食，成个Brunch嘅口感都会变得更加丰富。而自家制嘅荷兰酱同Pistachio Dukkah香料粉更加有画龙点睛嘅效果，令成个Brunch嘅味道都更加丰富，有与别不同嘅感觉。整体来讲，呢一个Everything Eggs Benny味道都相当唔错，而且千祈唔好见佢细细份咁就以为一定唔饱肚，咁就真系俾佢呃左啦！
-
Unicorn Tea
$40
30 浏览
0 赞好
0 留言
🍴Unicorn Tea
呢一杯Unicorn Tea其实系一杯柠檬蝶豆花花茶，上枱嘅时候会分别比一杯蝶豆花花茶同两片柠檬干，然后将两片柠檬放入到花茶里面，非常梦幻嘅事情就发生啦！
将柠檬干放入蝶豆花花茶之后就可以见到花茶慢慢由蓝色变为紫色，颜色非常梦幻。入口味道方面，由于蝶豆花花茶本身系冇乜味嘅，所以成个花茶最主要都系饮到有清新嘅柠檬香味，只柠檬味饮落既味道天然，而且味道亦都唔会太酸，所以都非常易入口。不过柠檬蝶豆花花茶入口饮落竟然会带有淡淡香甜嘅气味，因此碟豆花花茶入口嘅味道都唔会太过单调。整体来讲，虽然花茶喺味道上就冇乜惊喜，不过入口味道都算唔错，而且最重要嘅系加入柠檬干𠮶一刻嘅颜色真系超梦幻呀！
-
意式玫瑰花雪糕
$78
17 浏览
0 赞好
0 留言
🍴意式玫瑰花雪糕
Givrés每日都会供应10款由意大利生产商喺香港新鲜制作不含人造色素嘅雪糕，而小编今次就拣咗白桃、薰衣草同开心果口味嘅雪糕，店员首先会将雪糕产成薄片，再放喺脆筒上，由内砌到外，制作出一朵又一朵精美嘅玫瑰花雪糕。
玫瑰花雪糕嘅卖相真系超级靓，有渐变色嘅效果，少女心爆发啊！三款意式雪糕嘅质感非常绵滑，而且雪糕嘅冰粒亦都好幼细。入口味道方面， 白桃意式雪糕入口食落嘅味道非常清甜，而且带有淡淡嘅桃香味，雪糕嘅味道亦十分天然；薰衣草意式雪糕入口食落会带有清幽嘅薰衣草香味，而且雪糕味道天然，出嚟嘅味道完全唔似落咗香精，再者雪糕入口嘅味道亦都唔会太甜；开心果意式雪糕入口食落会带有淡淡嘅开心果香味，而且雪糕本身亦都唔系太甜，所以味道亦都会偏向比较清新少少。整体来讲，意式玫瑰花雪糕惊买真系超级靓，而且本身店舖嘅雪糕亦偏向系比较少甜𠮶款，所以亦都可以较食得出用料本身𠮶种天然嘅香味，真系超好味呀！
张贴
