影片
更多
2023-04-16
2275 浏览
身边有个姜糖朋友，有次同佢食早餐，就被带到呢间茶记追下星同叹翻个早餐🤣-一入到去就发现系间好地道既旧式茶餐厅，完全有以前香港既味道。无论系啲枱櫈同装修，地下既砖既花纹都好有历史。我地叫左一个两𩠌面同蛋牛治，加上个茶记必试既奶茶。-1. 鸡翼沙嗲牛面8.5/10-鸡翼系有炸过既，咬落几干身同脆，带出到个香味，分碟上系加分位。沙嗲牛面不得不赞，个酱几浓，而且食得出有落花生酱炒过，炒得几香。牛肉量唔少，都称得上满足。个面唔会过冧过硬。总括而言值得一试。-2. 蛋牛治8/10-首先要讲既系几足料，蛋炒到半熟，食落更有蛋味同口感更丰富。咸牛肉选材唔错，咬落有完整牛肉粒既口感，加上有少量肥牛肉，食落更香，令人停唔到一啖接一啖。两者比例岩岩好，带得出个香味同时唔会过咸。-3. 茶记必试既热奶茶8/10-第一啖taste到系够滑既，饮落去既口感都够厚，奶味亦都足够，明显奶既比例合适。与此同时杯奶茶唔会净系得奶味，亦都有足够同系中后段慢慢渗出来既茶味。稍微有少少涩味，但杯奶茶整体而言系好唔错，系我饮过既奶茶入面可以头五。-总括而言质素好唔错🤣我本人又好独钟香港旧式既味道，所以呢间茶记带比我既体验唔错，回
-
一入到去就发现系间好地道既旧式茶餐厅，完全有以前香港既味道。无论系啲枱櫈同装修，地下既砖既花纹都好有历史。我地叫左一个两𩠌面同蛋牛治，加上个茶记必试既奶茶。
-
1. 鸡翼沙嗲牛面
8.5/10
-
鸡翼系有炸过既，咬落几干身同脆，带出到个香味，分碟上系加分位。沙嗲牛面不得不赞，个酱几浓，而且食得出有落花生酱炒过，炒得几香。牛肉量唔少，都称得上满足。个面唔会过冧过硬。总括而言值得一试。
-
2. 蛋牛治
8/10
-
首先要讲既系几足料，蛋炒到半熟，食落更有蛋味同口感更丰富。咸牛肉选材唔错，咬落有完整牛肉粒既口感，加上有少量肥牛肉，食落更香，令人停唔到一啖接一啖。两者比例岩岩好，带得出个香味同时唔会过咸。
-
3. 茶记必试既热奶茶
8/10
-
第一啖taste到系够滑既，饮落去既口感都够厚，奶味亦都足够，明显奶既比例合适。与此同时杯奶茶唔会净系得奶味，亦都有足够同系中后段慢慢渗出来既茶味。稍微有少少涩味，但杯奶茶整体而言系好唔错，系我饮过既奶茶入面可以头五。
-
总括而言质素好唔错🤣我本人又好独钟香港旧式既味道，所以呢间茶记带比我既体验唔错，回头指数10/10。
张贴
