靠得住粥麵小館 (已結業)

屯门有间米之莲食肆开咗一段时间，今晚睇完戏去帮亲下，好彩一去到就有位，装修简洁，都坐得舒服。我地只有两人，睇完戏谂住食少少野，见到个餐牌有镇店之宝，分别系咸肉粽及鲩鱼皮，都几吸引，点菜之际个侍应话卖完，有点失望，可能时间太晚，有些想食的也没有，就点了白灼生肠、炸酱面及灼菜芯。白灼生肠够爽口，无异味，有时生肠会有异味，但呢碟就无呢个问题，真系米之莲食肆水准，而炸酱面味道亦出色，酱汁味道不太浓，仍然食到猪肉嘅味道，猪肉偏瘦，但唔鞋口，面质亦煮得刚好，系一碗水准之作。菜芯就一般，有点老，但还可以。下次要食镇店之宝或其他想食嘅菜色，要早d嚟先得啦！