佳記甜品

营业中

休息中

曾经好钟意好钟意好钟意食嘅糖水舖，（重要嘅事要讲三次）每次睇佢嘅餐牌都会心思思，因为好多好多都想叫黎食。当然必食嘅有鸡翼尖啦！虽然网上已经有好多食谱教你点样煮，但我煮嚟煮去都煮唔到B仔呢种味。不过对比起以前，我觉得鸡翼尖已经冇咁辣，蒜味都已经冇咁浓，唔通味道随着时间都一齐退步咗？另外叫咗一碟肠粉猪皮，猪皮就一贯地好食，但系肠粉已经冇以前咁滑（唯一花生酱仲保留到𠮶种醇香），至于糖水方面，我好钟意拣捞捞系列，奇异果，火龙果都系我嘅选择！个底就拣凉粉，感觉可以清下热，降下火。不过凉粉真系浸得太过糖水，好甜，太甜了。