廚尊

营业中

休息中

呢間野佈置到好似馬來西亞新加坡嗰D大排檔咁，食起上黎都特別有風味。另外值得一讚嘅就係D員工好有禮貌好好服務，好耐無見過有咁細心嘅侍應。佢個叻沙都幾正宗，入面係油麵同米粉兩溝，個湯底好香蝦味，D魚蛋魚片好入味，隻蝦嘅肉質都唔錯。呢個係囉喏水果沙律Rojak，好有馬粒feel，落咗黃梅粉之後酸味味幾好食。馬拉野點少得咖央多呢？仲要有厚切牛油喺入面先係正貨，佢呢度嘅咖央醬都幾香，連埋熱辣辣嘅多士特別好食。飲品就叫咗美綠同埋羅漢果茶。