麥奀雲吞麵世家 (電氣道)

营业中

休息中

好多年无嚟呢间云吞面店，我记得每次食完都唔够饱😆。今日嚟食早餐，所以份量少都无问题。世家云吞面🍜🍜汤底鲜甜，颜色够清，用大地鱼、虾子及韮黄熬制。四粒云吞每粒都系方便入口的大小，以鲜虾、大地鱼末及猪肉做馅料，虾肉新鲜弹牙，皮薄馅靓，非常清脆嘅口感。Q弹的鸭蛋面够爽口，又不会有碱水味如果有条青菜配搭，卖相不单止靓啲，客人又开心啲。呢碗面作为早餐或下午茶是可以的，但作为午餐或晚餐，就起码要食两碗先够饱，所以性价比唔高，回头客相信亦唔多。如果要继续做本地人生意，恐怕份量或价钱要作出调整。