正月十五 (已結業)

……………………………………………………………………………🍓自家制蛋糕+义大利牛奶泡沫咖啡 $48蓝莓芝士蛋糕，上层蓝莓酱非常足料，不过比较酸。但系同下层个芝士非常配，芝士味唔系特别浓，不过值得一试。而杯咖啡牛奶味唔系好浓，反而认为咖啡太苦。如果系饮开黑咖啡或者钟意苦嘅人可以试下。………………………………………………………………………………🍓荔枝雪露+焦糖牛奶 $62荔枝雪露类似一杯沙冰，加入荔枝一齐打碎嘅。而入面有好重嘅奶味，反而因为奶味太重，有少少抢左荔枝个口感。同埋雪露上面加左少少椰果同埋西瓜柆，满满夏日气氛。焦糖牛奶比例相差比较大。感觉焦糖占2/3，所以整体会好甜，比较适合钟意甜嘅人。………………………………………………………………………………🍓鲜奶芋圆香芋露+意大利奶冻 $55香芋露甜度适中，牛奶味亦都刚刚好。而且整碗有好多芋粒，加埋芋圆令到成碗口感加分。不过芋圆比较少，芋圆控可以去试下，冇乜粉粒，口感唔错。奶冻整体比较甜，牛奶味相对比较少，口感有少许似忌廉 。