i kitchen (已結業)

我第二次嚟呢间餐厅喇，我觉得呢度十分值得帮衬，特别系前菜，意大利饭，意粉呢啲，呢间餐厅真系做得好好，而且琴日情人节正日，佢哋都系比平时收多几百蚊，但套餐比番你既野其实无乜点贵到，无衬节日斩食客，质素都保持到，我一定会再嚟食，大家都可以嚟试下，呢个价钱呢个质素嚟讲性价比好高！套餐入面最好食个样当然系前菜，多士厚得嚟好脆，正，上面啲料都夹得好好。饭，呢间餐厅最值得食既野之一，做得好好。汤，白松露汤我觉得好香，个人嚟讲好钟意；另一个汤觉得佢好有五星酒店感觉，上左只碗先倒汤落去，好少餐厅会咁做，不过块象拔蚌个样就切得普通啲，可以试下其他形状。雪芭，甜品唔洗讲，呢间餐厅不嬲无得输。系牛扒，唔知系咪成本高得济，两次嚟都系觉得块牛扒好细块，但单叫就特别贵，不过又唔会觉得特别好食；但我系用呢间餐厅平均质素比，大家唔好拎加松肉粉加到块扒一阵内脏味个啲扒比，唔会差到咁。纯粹比意见，觉得唯一可以改善既就系块牛扒，其他都做得太好，无挑剔。