萬利小食店

营业中

休息中

由中学到而家都依然一直帮衬嘅一间老店。上至车仔面下至肠粉鱼蛋烧卖都一样试过。比起之前细佬带我去旧墟食嘅优胜得多，当然食落都会有感情啲添。每次入大埔落车后都会带小b一齐去食万利，估唔到小JM都俾万利嘅肠粉所吸引食唔停口，搅到1大1细都要食成15至20蚊肠粉，仲未计烧卖鱼蛋之类。我钟意嘅当然系呢度嘅果皮鱼蛋啦，绝对系每次都必食，因为果皮嘅香味真系好令人怀念。唔带小B个阵我会同爸爸两个食小食，例如牛栢叶、牛丸、鸡亦尖之类。食车仔面嘅话我会比较喜欢食豆卜，鸡亦尖同猪肠，个腩汁汤底简直系精髓。所以绝对值得带小B一齐去食。