范湯皇 (已結業)

听人讲范汤好食。中午行过就入去试下。未入都知收费贵。不过谂住都试下。讲到咁好食。我同朋友一坐底已经有一壶花茶（应该系柠檬味花茶）放系度饮用，后来先知原来系跟餐嘅花茶，冇其他饮品选择。点左2个餐。加一个爱心靓汤$38-（点餐个女仔系唔识中文。需要讲英文点餐）前菜系芽菜，佢餐牌就一个餐跟一个前菜。我地2个都系一碟，后面坐左3个都系一碟。芽菜有点麻辣香。食落都辣辣地。味道可以系分量略小爱心汤一壶，应该系薯仔蕃茄煲鱼汤，味道浓厚好香，薯仔淋身，好香鱼味。分量都有3小碗左右。2个人都ok. 招蕃茄牛肉饭$78-蕃茄汁捞左落d饭度。配上3色椒都唔错。牛就系肥牛黎。都可以接受。分量女士都够。驰名咖哩鸡饭$78-讲真。佢个咖哩同大家乐个个味系差不多我觉得。多几粒提子。分量都几小。唔太饱。鸡肉都ok嘅。不过有一件未熟。入面粉红色。。最后2个人午餐食左$194-都几贵下。每人接近$100-应该唔会再点黎食。太贵。