爆丼屋 (已搬遷) 新店位置

今日同一位朋友六点半已经来到，本来以为星期二晚，餐厅都开左一段时间，我地又咁早到，应该得好少人，点知居然都等左大半个钟先入到去，炎炎夏日响条街道等咁耐真系有小小辛苦不过见依道长期爆满，质素理应不错，多人都照等啦！我地结果大约7:15pm入座，出面已经越来越多人等，如果7:30pm后先到，应该要等成粒钟先有得食！奉劝各位如果要食的话，记得要做好等待嘅心理准备我地一人order左一个丼,分别系甜虾丼同三文鱼吞拿鱼丼。重点系，当我睇餐牌嘅时侯，以为d丼系非常巨型嘅，点知上枱嘅时候先发现原来个size同吉x家牛肉饭差唔多，可能仲细添，搞到我有小小失望不过食鱼生应该系重质不重量嘅，等我试下味先！味道方面，其实都唔错，不过不失，同平时出面嘅连锁寿司店质素差唔多。不过等待时间实在太长，份量亦唔系特别大，我觉得试一次就ok，下次可以去翻连锁寿司店，唔洗等咁耐添！