PizzaExpress (新城市廣場一期)

营业中

休息中

Pizza Express不嬲都系受一家大细欢迎，所以好多小朋友会走嚟走去。午市套餐包头盘、主菜、饮品，加一后基本上$100有找，所以份量唔多，啱晒啲小朋友、小鸟胃嘅朋友，男仔食记得要加$38加大个餐。安排有啲混乱，叫号码嘅时候有人补飞，但系店员又冇好好处理补飞问题，所以入座嘅时候好混乱。落单叫野饮都有漏单问题，好彩有追吓单。*头盘：焗面包球 几年前食仲系“球”，而家已经变咗UFO形状😂外脆内软，牛油味比面粉味更香。想肥啲仲有蒜蓉牛油搽面包，蒜香非常浓。鸡肉凯撒沙律 $75鸡肉丝比较干，份量偏少。配料有脆烟肉碎、面包块，沙律菜有凯撒沙律酱，正正常常，份量同样唔多。玛嘉丽塔皇后薄饼 $78薄饼尺寸大约6, 7吋左右，美式薄饼底，松厚但唔会过分油腻。配料只有基本嘅番茄酱、芝士，仲有一片孤寒嘅罗勒。想饮食均衡仲有沙律菜食。皇后薄饼 $88同一个薄饼底，配料有基本嘅番茄酱、芝士，仲有蘑菇、火腿、黑橄榄，配搭正正常常。