影片
更多
2017-08-21
824 浏览
帮衬过呢间三四次，先讲食物。呢间野有虾的食品都唔错，如烧卖，虾饺及虾肠，个人认为虾肠最好，$25 黎讲算抵食。至于北菇鸡饭，料系少啲，不过蒸鸡系几滑。棉花鸡及鹑春蛋烧卖就一般，无乜特别。而佢有个拼盘 SET $60 有马拉糕，烧卖，虾饺，鹑春蛋烧卖，菜苗饺等等，每样两旧，几抵食。卫生就一般，啲碗碟有啲渍，环境亦都一般，枱脚地面不是太干净。最想讲系呢间店的服务态度，其实之前帮衬，已发现有个别店员阿姐成日喺度吹水，叫佢扮听唔到，好似唔想做咁，直到最近一次帮衬，有个无戴眼镜，讲广东话有口音的阿姐 (甲)，竟然因为一件小事当住客面前狂闹另一店员阿姐(乙)，一闹半小时，老细又无佢地符。事缘系我隔离枱落单时话来左饭先好上汤，点知上错左，阿甲捧住个汤，隔离枱客同佢讲话落单时已讲左上饭先，阿甲就即刻大大声话「我唔知㖞，我都系见到单就上」，阿乙见到就提醒阿甲你应该点点点，点知阿甲就即刻著晒火喺度闹阿乙，仲越闹越大声，如是者嘈左十分钟，先见个老板出来劝交，劝左几句后，老板竟然走埋隔离枱度同个客讲「而家晚饭时间人多，你啲要求佢地处理唔到架。」真系大开眼界，员工做错野，当住客面前嘈，影响到其他客人，老板竟然可
最想讲系呢间店的服务态度，其实之前帮衬，已发现有个别店员阿姐成日喺度吹水，叫佢扮听唔到，好似唔想做咁，直到最近一次帮衬，有个无戴眼镜，讲广东话有口音的阿姐 (甲)，竟然因为一件小事当住客面前狂闹另一店员阿姐(乙)，一闹半小时，老细又无佢地符。
事缘系我隔离枱落单时话来左饭先好上汤，点知上错左，阿甲捧住个汤，隔离枱客同佢讲话落单时已讲左上饭先，阿甲就即刻大大声话「我唔知㖞，我都系见到单就上」，阿乙见到就提醒阿甲你应该点点点，点知阿甲就即刻著晒火喺度闹阿乙，仲越闹越大声，如是者嘈左十分钟，先见个老板出来劝交，劝左几句后，老板竟然走埋隔离枱度同个客讲「而家晚饭时间人多，你啲要求佢地处理唔到架。」真系大开眼界，员工做错野，当住客面前嘈，影响到其他客人，老板竟然可以话返个客转头！难得我隔离枱客几好脾气无开佢波，老板走开左后，阿甲仲系继续嘈，嘈嘈下又走出去同老板讲「系喇，乜都我错晒，最多我走啰！」佢虽然话走，但转头又走返入去做野，之后执野又大大力喺度放啲碗碟搞到嘈喧巴闭。由我未上菜到我食完足足三十分钟，个阿姐都仲未嘈完，而老板又无佢符！
呢间野个老板真系废到爆，我埋单时，有另一阿姐喺店外行返入来，眼尾都唔望老板一眼同佢讲「老细，你帮我打咭呀！」，唔该都无声，可想而知佢啲员工平时都当老板无到，所以啲阿姐先会咁既态度。
之前帮衬佢系因为附近无乜呢啲点心店，而野食黎讲佢系ok，但经过今次之后我唔会再帮衬，啲阿姐燥到咁，点知佢会唔会心情唔好喺食物度加料？同埋点解我食饭要听佢地嘈交？老板如果睇到呢篇食评，麻烦你真系要管下你班帮你赶客既阿姐。
张贴
