皇庭匯 (已結業)

是日做冬，冬大过年，唔想阿妈辛苦煮，去酒楼食就最好！$2000唔洗一围，志在一家团聚食返餐。个套餐都有d野好食嘅，名亦改得几靓，翡翠新鲜龙趸球，云耳蒸龙趸头腩，前者炸过再炒就香口d，后者清蒸捞埋蒜茸粉丝都好味，大碟头到食唔哂。碧绿蚌片影花姿，蚌同花姿片炒得尚算爽口，西芹无咩渣。意头野寿包，唔出色，但可以一吃。皮厚唔够软熟，莲蓉唔够香，胜在热辣辣救返个包。屋邨酒楼服务质素，无期待，但差d有意外！明明最出位置留左两个人都埋到枱嘅位，都要涉入黎放茶壶，放低又唔睇下摆好未，好彩我接我住先唔洗滚水渌脚。