小越南 (已結業)

我喺美孚返工，成日都会嚟小越南食晏昼。以前样样都算几好，服务态度、食物味道、出餐速度都好。最近再去，感觉质素有明显下降。不过心谂唔系太差就算啦。今次去竟然俾个洗碗阿姐激到。平时已经黑口黑面，攞垃圾出嚟整到我都算，我都无出声，打工辛苦系人都明。不过今次个阿姐好似食左火药咁，攞碗筷出嚟发脾气咁丢落张枱度，嘭一声吓到我心都离一离。因为我坐喺厨房门口位，有两只筷子飞埋嚟整到我，佢望都唔望，执都唔执下就走左。我觉得错愕之余仲觉得几失望。对熟客都系咁，连唔好意思都无一句。一次系咁，两次系咁，太失望！