譽宴 (已結業)

环境4分：婚宴酒楼布置，外观都几靓，墙上有结婚摆酒布置，但今日嚟饮早茶，所以畀四分。 卫生4分： 有畀盘畀餐具洗一洗，整体都算干净，有四分。       服务1分：因伙记人数太少，壶茶要自己加添热水。叫左五样点心，有一样沽清，肠粉最早到 (即是正常时间到)，但其余三样等左三十分钟后问侍应生系咪漏单，但侍应生黑面回应话差唔多系要等咁耐，最后过多五分钟，即35分钟后先上齐点心，黑面扣四分，得一分！ 味道2分：1)      虾肠有六件，而每件都有一只虾，但系啲肠粉皮实在有啲黏，唔知是否蒸过龙，或落得太多粉。   2)      烧卖正常味道，但size偏细粒。   3)      牛肉球香料味太重，食唔到牛肉味。   4)      百花酿鱼肚系比较好食的一样。  总结得两分。抵食3分：  因十一点半前有早茶特价点心优惠，所以价钱都几抵。但味道服务都非常一般，所以只有三分。