香港地 (已結業)

难得大家都放假可以去拍下拖，所以就周围去食嘢，去到上水广场揾吓有咩食，下午茶时间见到呢间餐厅啲嘢好似都几吸引，所以就入咗去！叫咗一份阿华田西多士，成份西多士都系好大件，而且上面铺满晒阿华田嘅粉末，同出面嘅西多士好唔同！𠮶啲阿华田脆脆好甜好好食，而且加埋西多士嘅糖浆，花生酱，简直超级邪恶！！但系有好食到停唔到口另外叫咗一份瑞士鸡翼捞面，呢个就相对上一般般，三只鸡翼唔系好入味，而且个捞面好似净系用豉油捞面咁，冇乜味，得个咸字！如果下次再食嘅话未必会再叫呢个