何車車仔麵 (界限街) (已結業)

行完山唔知食咩好，想起朋友曾经推介过呢间车仔面，话堂食要等个几钟，咁我就决定落车去到外卖，十𩠌面+另加烧牛舌芯，承惠$73。等左15分钟至成功拎到，飞快返屋企享受美食。面汤系分开装嘅，汤够多，倒左落碗仲有不少剩下，由于叫左咖喱中辣，就试下汤底个味先，汤几好，似乎冇味精。第一时间试牛舌芯，惜味道麻麻。十𩠌普遍味道系唔错嘅，以$55 黎讲系好食得过。不过发现揾唔到鱼蛋同肥牛，但多左两旧似系猪颈肉嘅肉，谂住都ok算啦，点知食到最尾仲𢳂到一粒螺丝😡⋯⋯大忌，真系扣哂分……如果唔系，我应该会encore嘅。