蘇杭冰室

营业中

休息中

心血来潮好想食啲好邪恶嘅嘢食，一路行一路揾，比我见到苏杭冰室个餐牌上面有芝士捞面，bingo，exactly系我想揾嘅嘢。记得以前苏杭冰室会两间分店一间做中餐另一间做西餐，不过而家好似冇再分。餐牌上面仲有好多港式茶餐厅会见到嘅菜式，如果唔可以今日心血来潮嘅话，应该会嗌餐蛋饭，今次就要咗佢嘅招牌炒蛋及芝士捞公仔面。个面大概十几分钟后到，先讲下块鸡扒，因为得块鸡扒冇岀事，唔错嘅几入味，而且煎得几香。个面煮过哂火淋晒，唔似公仔面，淋到好似面糊咁。最大镬系个主角啲芝士，闻落虽然好香芝士味但食落只味好奇怪，好化学嘅味道，有种唔似系芝士应该有嘅味道，食完个胃劲唔舒服，搞到成个下昼都做唔到嘢。后悔食呢间，横掂附近大把其他好嘢食，呢间唔会返食。