影片
更多
2020-04-01
842 浏览
呢晚去中环接个朋友放工、食个饭，点知一下漏招无打去原本想去间餐厅问下有无开，就摸门钉了😭。朋友即时提议话不如食越南粉，试下蔡澜𠮶间，都好丫，反正我未试过。佢话餐厅啱啱开𠮶阵，中午食饭时间排队排到傻，呢晚去到就唔系𠮶回事啦😏。去到第一个感受就系服务劲不知所谓🤢，呢个时期要量体温、消毒先入得系正常，但我哋唔知，直接行咗入去就俾人赶返出嚟...。但其实门口企咗一班阿姐自己围威唯吹水，完全无理过啲客，基本上可以讲佢哋唔知有客入嚟，所以无帮我哋做餐厅要求嘅嘢，唔关我哋事啰！唔通我要走埋去问「唔好意思呀，我系咪要俾你量咗体温先入得呀？」👎🏻，加上呢个唔系单一事件，我哋食嘅期间有好几位客人都有同一经历。好喇，终于入到去，又要等一轮先等到有餐牌...。噢原来系点餐纸嚟，自己画，老实讲张纸都几唔清晰下。以一碗Pho嚟讲，价钱偏贵，最平都$68一碗，仲要收加一服务费。我想问呢到边忽有服务？服务员多唔代表有服务！唔嬲都偷笑啦😡。我本身想叫特别汤牛肉河粉，但要成$128又唔舍得食🙈，所以同朋友叫咗一人一碗普通嘅越南牛肉粉$68，拣两款𩠌算。另外，再加多样小食。🐂我𠮶碗叫咗生牛肉+牛肉丸，𩠌嘅份量还好，牛丸有六
佢话餐厅啱啱开𠮶阵，中午食饭时间排队排到傻，呢晚去到就唔系𠮶回事啦😏。
去到第一个感受就系服务劲不知所谓🤢，呢个时期要量体温、消毒先入得系正常，但我哋唔知，直接行咗入去就俾人赶返出嚟...。但其实门口企咗一班阿姐自己围威唯吹水，完全无理过啲客，基本上可以讲佢哋唔知有客入嚟，所以无帮我哋做餐厅要求嘅嘢，唔关我哋事啰！唔通我要走埋去问「唔好意思呀，我系咪要俾你量咗体温先入得呀？」👎🏻，加上呢个唔系单一事件，我哋食嘅期间有好几位客人都有同一经历。
好喇，终于入到去，又要等一轮先等到有餐牌...。噢原来系点餐纸嚟，自己画，老实讲张纸都几唔清晰下。以一碗Pho嚟讲，价钱偏贵，最平都$68一碗，仲要收加一服务费。我想问呢到边忽有服务？服务员多唔代表有服务！唔嬲都偷笑啦😡。
我本身想叫特别汤牛肉河粉，但要成$128又唔舍得食🙈，所以同朋友叫咗一人一碗普通嘅越南牛肉粉$68，拣两款𩠌算。另外，再加多样小食。
🐂我𠮶碗叫咗生牛肉+牛肉丸，𩠌嘅份量还好，牛丸有六个半粒加几片生牛肉，个汤够热，所以牛肉好快就熟，肉质亦无变老，但牛肉比较薄身同唔够大片。牛丸系好普通𠮶啲，唔系特别爽口，又唔够味。因此，我认为两款配料都系普通过普通🤔，同香港大部份Pho店差唔多，毫无优胜之处。
不过抵赞嘅系个汤底的确几好饮🤤，应该无落味精，清清地，又唔油。落青柠汁加少少辣椒吊一吊个味，好正，但估唔到只辣椒仔个辣咁劲，只系小小一片，成碗已经有辣味🌶！
🐮朋友𠮶碗叫咗牛筋肉+牛栢叶，佢𠮶碗就唔合格了，我第一眼睇以为餐厅唔记得放𩠌，只系上咗斋粉😂。点知系啲牛栢叶漂到雪白色，仲要劲细嚿，一嚿嘅Size系平日食开嘅1/3，甚至系1/4，加上成碗得三四嚿...。口感系好弹牙、好爽，但摄牙罅都唔够啦😑。
牛栢叶
12 浏览
0 赞好
0 留言
但没有最夸张，只有更夸张嘅系啲「牛筋肉」，首先我哋expect牛筋肉点都有少少肉挂，而唔系得嚿筋，而家应该系叫「牛筋」吧。算，当我哋唔识嘢！但过份嘅系「牛筋」 比起牛栢叶更细嚿，有老花近线嘅未必睇到，又透明又碎，成碗仲要得一定两嚿(无讲大话)。我哋忍唔住问店员，点知佢指住下图𠮶嚿话就系咁㗎喇😰。
牛筋肉
18 浏览
0 赞好
0 留言
本身碗粉嘅量确系偏少，不过餐牌写明系可以追加的，都算系咁，起码应该食得饱？但得咁少𩠌唔通真系加嚟食净粉咩？再者，餐厅吹嘘啲粉系自家制定点，但食落我唔觉有咩咁特别，只系发现粗幼不一😅。
每碗粉都会畀一杯仔芽菜同香花菜，但生芽菜啲草青味真系好劲，不了🙅🏻♀️。
香茅烤猪颈肉
$58
29 浏览
0 赞好
0 留言
🐷香茅烤猪颈肉($58)，呢个又系令人失望，味道唔难食，但亦同好食扯唔上关系。份量好少，似出面餐厅午餐加配嘅小食Size，而且猪颈肉烧得唔脆、唔香，就已经唔需要再讨论落去，我不如食猪扒好过。
总括嚟讲，什么蔡澜牛肉粉亦系不外如是。如果系专登去中环食就会好失望；但当普通勉强入去食一餐就还可。不过留意返性价比其低，得个汤底称得上好啲。除此之外，就无任何其他卖点，啲𩠌仲要劲鬼孤寒啰。环境方面，舖面摆枱格局非常麻麻，枱櫈款式不一；餐厅好似有上层，唔知系点呢。衞生情况亦好一般，因为我哋坐𠮶张枱一入座已经劲湿...。最后，服务就不要再说了，收银阿姐无比张单落我手，而由佢跌，唉😔。整体系一个差嘅用餐体验，完。
张贴
