貓之眼

营业中

休息中

见到呢间餐厅有好多个好评，就打算过嚟试吓蛋包饭。点知原来呢一个抉择非常错误。我哋下午2:30过嚟食饭，一行四人见餐厅唔够座位就系餐厅外面排队。可是一开始对我哋嘅服务态度已经大打折扣。第一个出嚟系一个比较瘦削嘅男人，佢一嚟就同我哋讲所有汉堡扒嘅食物都冇晒。少咗食物嘅选择，我哋都失望唔少。一个光头戴眼镜嘅男人一望到我哋就叫我哋一定要喺箭嘴后面排队，感觉唔太友善。加上我哋其中一个朋友未到餐厅，光头佬又同我哋讲：「你仲有个朋友未到㖞。」感觉我哋阻住佢哋下午3:00收工咁，呢种语气俾我哋感觉好刺耳。几经辛苦我哋终于坐低食饭，喺嗌嘢食嘅时候我哋被要求写清楚枱号，可是食物嚟到嘅时候侍应都系唔清楚我哋边一个嗌左啲乜嘢。其中一个朋友嗌咗热柠茶，侍应就俾咗冻柠茶加冰。。。至于食物质素，味道不过不失。三色蛋包饭入面嘅白饭口感过腍，咖喱同蕃茄嘅味道冇乜分别。唯一一样值得称赞嘅系卖相还可以接受，但系好多餐厅都可以做得比呢间好。进餐途中，我哋仲亲眼见到有一个女仔同一对男女中途放弃光顾呢间餐厅。多半都系因为差劣嘅服务态度同埋缺乏食物选择嘅原因罢了。经历过今次嘅进餐经验，我以后都唔会嚟呢间餐厅食饭了。