影片
更多
2017-09-04
394 浏览
之前食过两次，都系蜻蜓点水咁试一两样嘢，味道、份量都算OK。今次难得同朋友喺呢头一齐睇完戏，谂住再嚟而且可以食得丰富啲。好可惜，今次嘅经验令我好失望。我哋八点钟坐低，唔够10分钟已经完成落单，哗！竟然喺8点15分已经上第一道tapas：煎薯仔奄列（Chorizo Tortilla）。哗！一睇个样，我问个侍应：做乜个奄列煎到咁㶶呀？佢好似借咗聋耳陈只耳，当听唔到即刻走开，我同D朋友再三确认原来真系无错，心谂，唔通个奄列去完非洲再返嚟？味道？个心情即刻沉一沉啦，食落咪就系煎到过晒火嘅炒蛋啰，唯一嘅好处系香香哋热辣辣，而里面嘅薯仔只系白烚，传统菜式上应该有西班牙肠，但我唔太觉得食到啰，整体上味道毫无特别，甚至可以话偏淡，就好似啲薯仔唔记得落盐咁样！！真实版系咁嘅：而餐牌理想版本系咁嘅，白净靓仔几多：跟住，系另一道tapas：蕃茄煮薯仔煎蛋（Patatas Bravas）。呢味嘢上枱嘅时候用个铁pan仔装住，喂！？唔够热嘅？暖暖哋咋㖞，佢上菜上得咁快，感觉佢好似喺厨房一早煮定，只系装落个铁pan，然后加只煎蛋就搞掂拎出嚟。味道？用返茄煮过酸酸地嘅薯仔粒，配一只煎蛋，感觉上唔使咁贵出嚟食，自己屋
7 浏览
0 赞好
0 留言
而餐牌理想版本系咁嘅，白净靓仔几多：
跟住，系另一道tapas：蕃茄煮薯仔煎蛋（Patatas Bravas）。呢味嘢上枱嘅时候用个铁pan仔装住，喂！？唔够热嘅？暖暖哋咋㖞，佢上菜上得咁快，感觉佢好似喺厨房一早煮定，只系装落个铁pan，然后加只煎蛋就搞掂拎出嚟。味道？用返茄煮过酸酸地嘅薯仔粒，配一只煎蛋，感觉上唔使咁贵出嚟食，自己屋企煮都得，味道完全冇惊喜。真实版系咁嘅：
8 浏览
0 赞好
0 留言
而餐牌理想版本系咁嘅，睇吓真实版啲蕃茄干一嚿嚿几丑样，同理想差太远了！！
上次食过红菜头沙律（Beetroot Salad）好好味，而且又大碟，所以今次想食过返寻味，点知 ... 点解细碟咗咁多嘅？原本同餐牌份量差不多，今次同餐牌嘅份量就差好多！ ！庆幸嘅系，味道仍然同上次一样，保持沙律汁甜甜酸酸嘅调味，有红菜头嘅清甜，冇菜彩头嘅腥味。真实版本系咁嘅：
9 浏览
0 赞好
0 留言
而餐牌理想版本系咁嘅，睇吓份量相差几多，现实版个沙律碗空洞洞的：
好啦好啦，跟住终于到主菜出场，系一个接一个嘅失望！ ！首先系烧鸡，改咗一个好爆嘅名叫做霹雳烧春鸡（Piri Piri Chicken），系之前食过嘅，上次觉得烧得只鸡好嫩滑好多汁，而且个酱汁嘅味道好特别，其实就好似大家去澳门旅行食嘅「非洲鸡」。咁今次点呢？冇乜嘢，味道依旧，酱汁依旧，但只鸡啲肉冇上次咁嫩滑，而且，成餐饭都系同一个问题，一只微暖嘅烧春鸡系乜嘢玩法？因为系招牌菜，所以星期日多人帮衬就烧定晒摆喺度？？咁大间餐厅，厨房咁缺人手咩？真实版本系咁嘅：
8 浏览
0 赞好
0 留言
跟住落嚟，系今次好想食嘅另一道招牌菜：烩海鲜盘（Seafood Cataplana）。唔好讲笑，呢个海鲜盘上枱嘅时候，心情跌到落谷底！哗！咁混乱嘅？点解混乱成咁嘅？大杂烩嚟架？你俾返餐牌幅相个样嘅三份二我都好吖！论味道， OK嘅，只系觉得比较咸啲，系用好香浓嘅海鲜浓汤煮成嘅海鲜盘，有面包蟹、大虾、青口、花甲。其实，面包蟹都系好睇唔好食，因为蟹壳口，啲蟹肉又好鞋，如果有得拣，我宁愿食花蟹，其实，如果系澳门食，好多餐厅都系用花蟹。大虾唔系唔新鲜，只系唔爽，咁就够失望啦！至于青口同花甲系最好食嘅，又肥美又鲜甜。好可惜，仍然系𠮶个问题，成盘嘢上枱嘅时候又系暖暖哋咋，做乜喺香港食葡国菜唔可以热辣辣架咩？ ？嗱！现实版系咁混乱甚至可以话系核突嘅：
13 浏览
0 赞好
0 留言
好啦，到最后嘅焗鸭饭。去过澳门食葡餐嘅朋友应该无人唔识啦！系澳门食最有名嘅焗鸭饭，就知道鸭肉系藏喺底，饭面要焗到脆，接近饭焦咁，面头再舖上几片葡国香肠，焗左啲油出嚟，渗落啲饭度，咁就一流啦！咁呢度呢？ ？饭面唔够干身，饭粒又碎又松散，即系啲饭粒系断开哂，所以特别松散又碎，至于主角鸭肉，摷到落底，见到份量少之又少。真系觉得可以用唔合格来形容！ ！现实版系咁样嘅：
7 浏览
1 赞好
0 留言
今餐总括来讲，真系失望一浪接一浪！点解厨房做嘢咁求求其其，完全对食物卖相毫无要求？？而且，俾人感觉上好似好多食物都系预先制作，搞到上枱嘅时候温度只系喛暖，感觉真系好差！ ！
张贴
