茶墨 (已結業)

呢间主打水墨风嘅本地茶饮店，以水墨画为主题，卖相一流。今日经过忍唔住买杯水墨风饮品叹下，顺便打下卡先。先讲佢个signature水墨风饮品，一共有四款口味，包括: 麻糬芝麻乌龙鲜奶茶，芋泥茉莉鲜奶绿，黑糖珍珠芒果鲜奶同埋紫薯铁观音沙冰。我比较怕太甜嘅饮品，所以拣咗麻糬芝麻乌龙鲜奶茶（有得转豆奶，实在太好!），感觉同水墨画个意景夹啲。个水墨挂杯做得几靓，好有水墨画feel，打卡一流。味道方面，芝麻同乌龙味道出奇地夹，加埋好烟韧嘅麻糬，唔错唔错，好有惊喜。买饮品加＄28可以拣多件cake，见卖相唔错，一于叫咗件榛子朱古力蛋糕。味道几好，唔会太甜太creamy。总括来讲，饮品同蛋糕质素都好好，尤其系水墨风饮品卖相十分吸引，打卡真系一流。顺带一提，落完单会俾个机你拎住，有得拎就会响机提你拎饮品。方便人客去附近舖头shopping，唔驶呆等，好贴心嘅安排。