麵屋一燈 (已結業)

六点几钟，唔需要排队。职员带咗我地两个人去坐餐厅正中间嘅二人位，冇得睇佢哋好出名嘅海景。餐牌好简单：1. 拉面/沾面2. 拣配净面/肉加蛋/增量嘅肉加蛋个汤好浓好好饮（最后我有饮晒），上菜时温度不太高，暖暖地咁，职员会比埋个暖壶你加汤。食食下觉得个汤唔系几够热（但懒得叫店员加热，又唔想太早加鲣鱼汤）。虽然沾面本身系热汤配冻面，但系个面一开始冻到有少少难夹，好在浸左汤之后面嘅硬度都几适中。叉烧同鸡肉片都系偏冻，要一次过将d肉加晒落个沾面汤“加热”。两款肉唔算非常香，但系肉质唔错。另外本身汤入面有两粒肉丸，食落好香，有惊喜！