味道樂居酒屋 (河內道) (已結業)

三文鱼刺身系厚切架，大大块，淡淡肉，好好咀嚼，所以食到好满足。不过就唔算好新鲜，逊色左少少。带子蟹膏饭卷蟹膏同带子都几夹，而家饭卷入面都有啲配料，食落去几丰富。见到带子有少少火炙嘅效果，见到有用心思去处理食材，如果卖相再好啲就再吸引啲。食左咁多寿司同生野，梗系要试翻啲熟食。忍唔住叫左个推介嘅樱花虾烟肉蚝，一见到个卖相已经好想食左先，睇落都好多料，个蚝唔会好腥，而且有啲汁，唔太干，唔错。炸一口芝士同芝麻鸡翼都好唔错，炸一口芝士味道唔会太浓，直接食左几旧都唔觉得会太漏口。而芝麻鸡翼外脆内软，而且仲有肉汁，攞上枱个阵仲岀紧烟，热辣辣新鲜炸的。最后叫左个牛肉寿喜烧，见到入面系有好多牛肉同杂菜，为左避免牛肉浸得太耐，佢地会将牛肉放系杂菜上面，客人可以自己决定牛肉的生熟。汤底亦唔会太甜，建议大家一试。整体黎讲，食物选择多，可以试到唔同野食。