牡丹金閣 (天慈商場)

营业中

休息中

为咗方便婆婆，所以拣喺佢屋企楼下饮茶，而家转左手牡丹金阁，真系一个恶梦。首先食物已经唔好食，虾饺劲咸，粉果入面啲花生炒到㶶咗，炸两入面嘅油炸鬼又冻又唔脆，薄罉都系唔脆而且好厚粉。食物唔好食都算，我哋见到派点心个姐姐将跌咗系㗎点心车上面嘅烧卖执返落个笼度照落枱比客食，另外点心张单痴住咗啲虾饺，都唔知道张纸之前有几多人掂过，就咁直接痴喺食物上面，卫生意识真系好低！尤其是而家有肺炎，呢度又咁多老人家帮衬，我觉得管理层要再教育下啲姐姐，以免日后有同样嘅事情发生。我因为工作关系都会返大陆，肠胃一早锻练到好坚强，但今日食完返到屋企都肚痛😞