利苑酒家 (時代廣場)

营业中

休息中

利苑轻食，铜锣湾时代广场～我去开港岛区个几间，中环个间服务专业有礼貌，北角个间服务员亲切，铜锣湾呢间服务一次不如一次，唔建议大家去。食物：❤❤❤正常，间间差唔多，唔会特别好，亦无特别差。份量：❤❤我每次去都会点过桥象拔蚌，中环个间2人份量每人可以饮到4碗，每碗都有象拔蚌，铜锣湾佢叫我哋order16两，每人得2碗，仲要一碗系唔满既净汤嚟，失咗预算，唔系太够饱又够钟去睇戏加唔切单。环境：❤❤❤正常无特别，可能有比较，IFC个间靓啲，间位又间得好啲。抵食：❤其实每次我都系为咗个汤嚟，今次个汤好唔抵，好似唔够汤要将一窝share比两枱人咁，十分失望。服务：❤❤就嚟到中秋，好多人都会拎月饼，咁我拎咗就麻烦佢哋帮我放雪柜，由于我食完就要上去睇戏，所以就想迟少少番过嚟拎，亦知佢哋几点关门，但我问其中一位服务员，佢即时就答我，我哋无啲咁既规矩架wo，你埋单就要拎埋走架啦。听落令我有啲唔舒服，亦觉得其实唔知惊乜或者唔想烦；幸好埋单后有另一位服务员唔介意，亦夹好我几点要嚟拎番，所以我加番多个心。总括：我以后挂住佢个过桥象拔蚌都一定唔会帮衬铜锣湾分店。