敏華冰廳 (MOSTown新港城中心(4期))

营业中

休息中

马鞍山又有新餐厅加入，同一个舖位之前间野都未食过估唔到咁快就执左，变左敏华冰厅，虽然敏华有其他分店不过我就从来未食过，第一次试就系马鞍山呢间。马鞍山只要一有新餐厅开张，就势必大排长龙，敏华都系，而且26号系红日，系门口排左20分钟左右啦就有得入去，时间都唔算好耐既~入到去叫左佢话自己好出名既黯然销魂饭，同埋超级杂扒饭，叫左餐有埋野饮，因为想试试佢地既奶茶，另外叫左两个好普通既茶餐厅下午茶，即系五香肉丁公仔面个D。黯然销魂饭唔记得左几钱，around60蚊，D叉烧系唔错，都好大旧好厚下，同埋个边烧得几脆既，其他就冇乜特别~超级杂扒饭都好似系around60蚊，猪扒鸡扒餐肉肠仔，其实同其他茶餐厅/连锁式茶餐厅既杂扒饭冇乜分别，味道OK，唔系话超好食定点，不过唔会话好雪藏好难食咁。总结其实以茶餐厅尼讲系OK，不过价钱就略为贵左D，D野食款式同味道同茶餐厅同炖X佬好似。