八方雲集鍋貼水餃專門店

营业中

休息中

第一次去坑口呢间八方云集，一去到见到间舖头都几shocked，因为舖头真系好细，得十几个位，同埋虽然未到繁忙时间，但都冇乜位净。我自己一个人就好易揾到，不过想要多个位摆下个大背囊都唔得，唯有揽住佢系大脾上面，所以坐得真系好唔舒服。因为唔想要餐，所以我散叫左饺子同埋再另外叫左一碟菜。田园蔬菜水饺（$3.2一只），包得几靓，同埋味道都正常，因为其实八方云集啲馅其实全部都系由公司送到唔同分店，然后再由分店职员包好，所以间间嘅馅料同味道都应该系一样嘅。加左少少醋同埋豆瓣酱，几好味嘅。另叫叫左一碟油菜全走（$12）。我系其他分店叫过，系烚生菜，不过呢间系菜心。一碟都几大碟，不过全部都劲老，睇下老到中间有个窿。其实真系唔好食，因为真系好难咬好硬。呢间八方云集系落完order后要即刻俾钱，同其他唔同，同埋上菜嘅时间都几耐，店员服务唔算好好，要催几次先上到菜。